Автозамын тээврийн осол: Төв аймгийн Баянхангай сумын Хөшөөт багийн “Айргийн-Үзүүр” гэдэг газар /сумын төвөөс зүүн зүгт 14 км-т/ 2 автомашин мөргөлдөж 1 хүн автомашины төмөр эд ангид хавчуулагдаж нас барсан байна. Энэ тухай дуудлагыг 2022.01.03-ны өдрийн 16:05 цагт хүлээн авсан Төв аймгийн Онцгой байдлын газрын Лүн сум дахь Эрэн хайх, аврах бүлгийн алба хаагчид 46 км зам туулан ослын газар очжээ. Хэргийн газар очиход иргэн Э-ын Субару-форестер загварын автомашин, Улаанбаатар хотоос Баянхонгор аймгийн чиглэлд 6 зорчигчтой зорчиж явсан иргэн Б-ийн Приус-20 загварын автомашинтай мөргөлдсөний улмаас Субару-форестер загварын автомашинд зорчиж явсан нийслэлийн Хан-Уул дүүргийн иргэн Г /46 настай, эрэгтэй/ нас барсан байжээ. Онцгой байдлын алба хаагчид цогцсыг гаргаж Лүн сум дахь Цагдаагийн хэсгийн төлөөлөгчид шилжүүлэн өгсөн байна.
Одоогоор сэтгэгдэл алга байна
