Сүүлийн 24 цагт Дорнод аймгийн Хэрлэн сумын 6 дугаар багийн “Задгай”-д байшингийн дээвэр шатаж байна гэсэн дуудлагыг 12.29-ний өдрийн 16:37 цагт хүлээн авсан байна. Тус аймгийн Онцгой байдлын газрын Гал түймэр унтраах, аврах 52 дугаар ангийн алба хаагчид 16:38 цагт ангиас гарч 1.3 км зам туулан 16:40 цагт очиход иргэн Ч-гийн эзэмшлийн “Сэт” диско барны 30х10 метрийн хэмжээтэй байшингийн дээвэр шатаж байсныг 45 минут ажиллаж унтраажээ.
Мөн тус аймгийн Цагаан-Овоо сумын Гүнцэнгэлэг багийн “Түшлэгтэйн-Ар” гэдэг газар /аймгийн төвөөс баруун хойд зүгт 115 км-т, сумын төвөөс баруун урд зүгт 50 км-т/ малчин Ч-ийн 5 ханатай гэр 12.29-ний өдрийн 04:00 цагт шатсан тухай мэдээллийг тус сумын Засаг даргын орлогч 15:12 цагт аймгийн Онцгой байдлын газарт ирүүлсэн байна.
Нийслэлийн Налайх дүүргийн 1 дүгээр хорооны “Хөх давааны-Энгэр” гэдэг газар /дүүргээс зүүн хойд зүгт 15 км-т/ байшин шатаж байна гэсэн дуудлагыг 12.29-ний өдрийн 06:55 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 06:56 цагт ангиас гарч 15 км зам туулан 07:10 цагт очиход иргэн Б-гийн 6х6 метрийн хэмжээтэй байшин шатаж байсныг 1 цаг 20 минут ажиллаж унтраажээ..
Баянзүрх дүүргийн 23 дугаар хорооны “Задгай”-д суудлын автомашин шатаж байна гэсэн дуудлагыг 12.29-ний өдрийн 07:19 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчид 07:20 цагт ангиас гарч 7 км зам туулан 07:27 цагт очиход иргэн А-гийн “Приус-30” загварын автомашины хөдөлгүүр шатаж байсныг 5 минут ажиллаж унтраасан байна.
Өвөрхангай аймгийн Хужирт сумын Шунхлай багт байшин шатаж байна гэсэн дуудлагыг 12.29-ний өдрийн 08:00 цагт хүлээн авч тус аймгийн Онцгой байдлын газрын Хужирт сум дахь Эрэн хайх, аврах салбарын алба хаагчид 08:01 цагт салбараас гарч 2 км зам туулан 08:03 цагт очиход иргэн М-ийн 7х8 метрийн хэмжээтэй байшин шатаж байсныг 40 минут ажиллаж унтраасан тухай мэдээллээ..
Нийслэлийн Баянзүрх дүүргийн 12 дугаар хороонд байшин шатаж байна гэсэн дуудлагыг 12.29-ний өдрийн 15:52 цагт хүлээн авсны дагуу дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 15:53 цагт ангиас гарч 1 км зам туулан 16:02 цагт очиход иргэн Б-гийн 6х5 метрийн хэмжээтэй байшин шатаж байсныг 20 минут ажиллаж унтраасан бол мөн дүүргийн 20 дугаар хорооны “Задгай”-д байшин шатаж байна гэсэн дуудлагыг 12.29-ний өдрийн 18:54 цагт хүлээн авч иргэн О-гийн 8х8 метрийн хэмжээтэй байшингийн дээвэр шатаж байсныг 25 минут ажиллаж унтраажээ.
Дархан-Уул аймгийн Дархан сумын 7 дугаар багт амбаар шатаж байна гэсэн дуудлагыг 12.30-ны өдрийн 00:55 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид 00:56 цагт ангиас гарч 8 км зам туулан 01:04 цагт очиход иргэн Б-гийн 2х2 метрийн хэмжээтэй амбаар шатаж байсныг 27 минут ажиллаж унтраасан тухай Онцгой байдлын албанаас мэдээллээ.
Одоогоор сэтгэгдэл алга байна
