Энэтхэгт саяхан нээлтээ хийсэн Португалийн хөлбөмбөгийн од Криштиану Роналдогийн хөшөө тус улсын иргэдийн дунд маргаан дагуулж байна. Хөлбөмбөгийн спортод элэгтэй тус улсын баруун Гоа мужид энэхүү хөшөөг байрлуулахдаа залуучуудад урам зориг өгнө гэж найджээ. Харамсалтай нь Гоа бол Португалийн колони байсан бөгөөд тус муж Португалиас чөлөөлөгдсөнөөс хойш 60 жил болж байна. Орон нутгийн Гоан IANS мэдээллийн агентлагт хандсан хүмүүс "Роналдогийн хөшөөг босгож байгааг сонсоод маш их урам хугарлаа. Самир Наик, Бруно Коутиньо зэрэг өөрсдийн оддоор бахархаж сур" гэж хэлжээ. Хөшөөний нээлтийн үеэр зарим хүмүүс бүр хар туг далбаа барин эсэргүүцлээ илэрхийлсэн гэж Times of India сонин мэдээлэв.
Португалийн хөлбөмбөгийн баг Гоа хотод алдартай. Учир нь тус мужийн олон хүн колоничлолын үед Португалид амьдарч, мөн зарим нь тэндээс гэр бүлтэй болж байжээ. Гэвч Энэтхэгийн зарим нутгийнхан Гоа муж Португалиас тусгаар тогтнолоо олж авсны 60 жилийн ойн баярын үеэр уг хөшөөг босгосон нь доромжлол хэмээн эгдүүцжээ.
Одоогоор сэтгэгдэл алга байна
