Оросын Дэлхий гайхамшигаар дүүрэн нэртэй 925 мянган дагагчтай пэйж хуудсанд “Монгол улс ба монголчууд: жинхэнэ монголчууд” тайлбартай энэ зургийг нийтэлжээ. Дмитрий Снежиний авсан энэ зургийн дор 10 мянган хүн лайк, зүрх дарж 771 хүн эерэг сайхан сэтгэгдэл бичжээ. Тухайлбал Илларион Васильев гэдэг хүн “Соёл, уламжлалаа алдаагүй ард түмэнд би их хүндэтгэлтэй ханддаг. Хүн өөрийгөө хэзээ нэгэн цагт хүүхэд байсан гэдгээ ойлгох ёстой ...” гэсэн бол Лариса Семёнова “Монголын хөөрхөн хүүхдүүд” гэж уулга алджээ. Харин Аза Белякова “Тэд Буриадаас ирсэн хүүхдүүдтэй их адилхан юм” гэсэн бол Гульнур Адигамова “Ямар гэнэн цайлган, хөөрхөн юм бэ, зүгээр л чанга тэврээд авмаар байна” гэжээ. Любовь Швецова “Хараад тэр даруйдаа монголын хүйтэн өвөл, тайван амьдралтай хөгжилтэй монголчуудыг санав” гэж бичсэн бол Валентина Ларри “Ямар сайхан залуус вэ, бидний бяцхан Монголчууд
” хэмээжээ. Владимир Янцевич “1967 онд Монгол Улсын хил дээр алба хааж байлаа. Сүхбаатарт монголчуудыг анх харсан. Хүүхдүүд бол хүүхдүүд - тэд үргэлж хөөрхөн байдаг” гэсэн байна..Елена Казакова “ “iPhone-той! Сайхан эрчүүд!” хэмээн өхөөрдсөн бол Елена Орленко “ Гэрт амьдардаг хэрнээ бас гар утастай !” гэж гайхсан байв. Фаина Виткина “Хамгийн хүчирхэг нь оршин тогтнодог газар уу? .. санхүүгийн хувьд биш .. зүгээр л .. хамгийн хүчтэй нь.
” хэмээн гайхширсан бол Вера Халилова “Монголчууд үндэсний хувцсаа өмссөн байгаа нь хөөрхөн шүү!!” гэж. Виктор Назаров “1941-1945 оны дайнд Монголчууд бидэнд олон мянган агт морьд нийлүүлж тусалж байсан” гэсэн бол Татьяна Борисовна “Гайхалтай улс!!! Өөрсдийнхөө амьдралаар амьдар!! Тэд хэнд ч анхаарал хандуулдаггүй! Ихэнх нь өвөг дээдсийнхээ амьдарч байсан шиг хээр талд амьдарч, нүүдэлчин ахуйгаар аж төрж, адуу, хонь малладаг !!!! Мөн Монгол Улс дайны үед бидэнд Америкаас дутуугүй, бүр илүү тусалсан! “хэмээн чин сэтгэлээ илэрхийлсэн бол Сергей Подопригора “1988 онд Улаанбаатарт очиход их сайхан байсан
” хэмээн дурсжээ. Вардан Чилингарян гурван хүүхдийг “Өгэдэй, Сүбэди, Чэлэбэй. Өө янзтай! Тэдний нүд нь яг л нисдэг хараацай 
” гэсэн байна. Харин Улугбек Тургунбаев “ Тэд даян дэлхийг 300 жил шуугиулж, үр сад нь дэлхий даяар тархсан, би ч бас өөрийгөө тэдний нэг байх гэж бодож байна.
” гэжээ. Нэгэн хүн монгол хүүхдүүдийг яаж энэ их цасан дунд гэрт өсөж хүмүүждэг байнаа гэж гайхсан бол хариуд нь нэг эрхэм “Чи зүгээр л тэдний гэрт нь очоод үз. Айл бүр нь зурагт, хиймэл дагуулын антен, нарны зайн хураагууртай. Гэр болгонд интернет байвал би л хувьдаа гайхахгүй. Монголд үүрэн холбоо ОХУ-ын олон бүс нутгаас аль эрт орж ирсэн шүү” гэсэн байх нь сонирхол татлаа.
Одоогоор сэтгэгдэл алга байна
