Энэ сарын 19-ний өдөр 12 цагийн орчимд Архангай аймгийн Цэцэрлэг сумын Чулуут багийн “Хужирт булан” гэдэг газар 37 настай иргэн Г гэх эмэгтэй гэрээсээ усанд явна гэж гараад сураггүй болсон байна. Энэ тухай дуудлагыг 20-нд буюу өчигдөр өдрийн 10:35 цагт Онцгой байдлын албаныхан хүлээн авчээ. Тус аймгийн Онцгой байдлын газрын Эрэн хайх, аврах бүлгийн алба хаагчид тухайн өдөртөө 297 км замыг туулан 22:47 цагт Цэцэрлэг сум Чулуут багийн Хужирт булан гэдэг газар очиж өнөөдөр 08:00 цагт эрэн хайх ажиллагааг эхлүүлсэн байна. Орон нутгийн иргэд “Идэр”-ийн гол орчмоор эрэн хайх ажиллагааг зохион байгуулж байгаа юм. Мөн Хэнтий аймгийн Цэнхэрмандал сумын Баянмод баг “Эмгэн толгой” гэдэг газар 50 настай, эмэгтэй иргэн О энэ сарын 08-ны өдрөөс хойш сураггүй болсон байна. Энэ тухай мэдээллийг дөнгөж өчигдөр 12:00 цагт хүлээн авсан аймгийн Онцгой байдлын газрын Гал түймэр унтраах, аврах 32 дугаар ангийн алба хаагчид 145 км замыг туулан 14:10 цагт очиж, Баянмод баг “Эмгэн толгой” гэдэг газраас баруун урд зүгт 3 км-т нисгэгчгүй нисдэг аппарат /дрон/-аар, сумын Засаг даргын Тамгын газрын ажилтнууд, орон нутгийн иргэд “Эмгэн толгой” гэдэг газраас баруун зүгт 4 км-т “Шивэртийн хөндий” гэдэг газар хүртэл эрэн хайх ажиллагааг зохион байгуулжээ. Эрлийн ажиллагаа үргэлжилж байна.
Одоогоор сэтгэгдэл алга байна
