Манай улс нийт 46 боомттой юм байна. Гэхдээ нийт экспортын 70 % Замын-Үүд, Гашуунсухайт, импортын 92% Алтанбулаг, Замын-Үүд, Гашуунсухайт боомтод ноогдож байгаа нь ачааллыг ихэсгэж, төвлөрөл бий болгоод байна. Мөн эдгээр боомтын нэвтрүүлэг хүчин чадал хэрэгцээ, шаардлагаас 1.2-8.2 дахин бага байгаа юм. Тэгвэл “Шинэ сэргэлтийн бодлого”-ын хүрээнд Гашуунсухайт, Ханги, Шивээхүрэн, Бичигт боомтыг авто болон төмөр замаар холбохоор төлөвлөжээ.
Ингэснээр бараа тээврийн өртгийг 75% хэмнэж, экспортын хэмжээг 2 дахин нэмнэ гэж үзэж байна. Түүнчлэн агаарын тээврийн либералчлалыг эрчимжүүлж, карго тээврийг хөгжүүлэн аялал жуулчлал, экспортын шинэ боломжуудыг нээхээр зорьж байгаа аж.
Одоогоор сэтгэгдэл алга байна
