Бэлгийн сулралыг бууруулах үйлчилгээтэй эм болох Виагра нь Альцгеймерийн өвчний эсрэг ашигтай эмчилгээ болж магадгүй гэж түүний тархинд үзүүлэх нөлөөг судалсан АНУ-ын судлаачид мэдэгдэв.
Судлаачид 7 сая өвчтөний мэдээллийн санд дүн шинжилгээ хийсний эцэст Виагра ууж байсан эрчүүд Альцгеймерээр өвчлөх эрсдэл багатай болохыг тогтоожээ.
Энэ талаар илүү их судалгаа хийх нь зүйтэй гэж "Nature Aging" сэтгүүлд бичсэн байна.
Мэргэжилтнүүд нэгэнт байгаа эмийг давхар өөр зориулалтаар ашиглах нь цоо шинэ эмчилгээ хайж олохоос илүү хурдан бөгөөд хялбар басхүү хямд байх болно гэж үзэж байгаа юм.
АНУ сүүлийн 20 жилд анх удаа Альцгеймерийн эсрэг шинэ эмийг зөвшөөрсөн нь Силденафил юм. Энэхүү виагра нь судсыг тайвшруулах эсвэл тэлэх замаар цусны урсгалыг сайжруулах үндсэн үйлчилгээтэй бүтээгдсэн зүрхний эм юм.
Эмч нар уг эмийг зөвхөн зүрх гэлтгүй биеийн бусад хэсэгт, тэр дундаа шодойн артериудад ижил төстэй нөлөө үзүүлдэг болохыг олж мэдсэн . бөгөөд энэ нь бэлгийн сулралыг эмчлэхэд ч үр дүнтэй байгаа юм.
Мөн Силденафилыг уушгины гипертензи гэж нэрлэгддэг уушгины эмгэгийн үед эрэгтэй, эмэгтэй хүмүүст аль хэдийн хэрэглэж ирсэн.
Эрдэмтэд цусны урсгал багассанаас тархи гэмтэх үед үүсдэг, Альцгеймерийн дараа тохиолддог хоёр дахь нийтлэг сэтгэцийн хомсдол болох судасны дементийн эрсдэлтэй хүмүүст дээрх эм тусалж чадах эсэхийг үргэлжлүүлэн судалж байна.
Судалгааны дүнд силденафил хэрэглэдэг хүмүүс энэ эмийг хэрэглэдэггүй хүмүүстэй харьцуулахад Альцгеймерээр өвчлөх эрсдэл маш бага байсан байна.
Гэхдээ эрдэмтэд уг эмийн эмнэлзүйн судалгааны эцсийн үр дүн гарах хүртэл Альцгеймерээс урьдчилан сэргийлэх зорилгоор силденафилыг ууж эхлэх гэж яарах хэрэггүй хэмээн зөвлөж байна.
Одоогоор сэтгэгдэл алга байна
