АНУ-ын хэвлэл мэдээллийн "Блүүмбэрг" компани эдийн засгийн үзүүлэлтээрээ дэлхийд тэргүүлэгч нийт 53 улсын Ковид-19 цар тахалд тэсвэртэй байдлын зэрэглэл /Covid-19 resilience ranking/-ийг тодорхойлсон ээлжит жагсаалтаа танилцуулав. Тус компани энэхуу жагсаалтыг 2020 оны 11 дугээр сараас хойш улирал тутам гаргаж байгаа юм. Цар тахалд тэсвэртэй байдлын зэрэглэлийг нийгэм, эдийн засгийн хямралыг даван туулах чиглэлээр авч хэрэгжүүлж буй бодлого, үйл ажиллагаа, тэдгээрийн үр дүнд үндэслэн тодорхойлдог аж. Чингэхдээ хүн амын вакцинжyулалтын хувь, нас баралтын тоо, аж ахуйн нэгжүүдийн үйл ажиллагаа болон олон улсын нислэг, аялал жyулчлалыг сэргээж буй үйл явц, далайц зэргийг онцгойлон харгалзаж, гол үзүүлэлт болгон тусгадаг юм байна. Энэ удаагийн жагсаалтыг Ирланд, Испани, Дани, Финланд, Норвег, Швейцар зэрэг Европын улсууд тэргүүлсэн байна. Сүүлийн сар гаруйн хугацаанд Ирландад халдвар авагсдын тоо нэмэгдэж буй хэдий ч тус улс насанд хүрэгчдийн 90 гаруй хувийг вакцинжуулсан, мөн нас баралтыг бууруулж үйлчилгээний салбарын үйл ажиллагааг нээн хэвийн горимд шилжүүлсэн зэрэг үзүүлэлтээр энэхүү жагсаалтыг тэргүүлжээ. Арабын Нэгдсэн Эмират, Чили зэрэг орон сүүлийн 2 сар гаруйн хугацаанд хорио цээрийн дэглэмийг цуцалж, вакцинд хамрагдсан гадаадын иргэдийг чөлөөтэй зорчуулах шийдвэр гаргаж хэрэгжүүлсний дүнд энэхүү жагсаалтын эхний аравт багтсан байна. Нөгөөтэйгүүр, олон улсын нислэг, аялал жуулчлалыг сэргээгээд байгаа эдгээр орнууд цаашид томоохон сорилттой тулгарах магадлалтайг мен онцолсон байна. Тухайлбал, енгерсен 10 дугаар сард Эмират Улсад илэрсэн халдварын тоо сүүлийн 1 жилийн хугацаанд хамгийн доод түвшинд хүрсэн хэдий ч 2022 оны 4 дүгээр сар хүртэл Дубай хотноо үргэлжлэх "Экспо"-гоос шалтгаалан халдвар тархалт тус улсад эрчимтэй нэмэгдэх эрсдэлтэй байгааг онцолжээ. АНУ энэ удаагийн жагсаалтад өмнөхөөсөө хоёр шат ахиж 26-д жагсав. Харин цаашид вакцинжуулалтын аяныг эрчимжүүлэхээс гадна нас барагсдын тоог бууруулахад анхаарах шаардлагатайг онцолсон байна. Жагсаалтад Зүүн Өмнед Азийн орнууд доогyур үзүүлэлттэй, тэр дундаа Индонез, Малайз, Тайланд, Вьетнам, Филиппин зэрэг орон сүүлд жагссан хэвээр байна. Үүнд тус бүс нутгийн орнууд өнгөрсөн хугацаанд вакцинжyулалтын хувийг нэмэгдүүлсэн хэдий ч дельта хувилбарын тархалты г бууруулж чадахгуй байгааг онцолсон байна. Үүнээс гадна "Блүүмбэрг"-ээс боловсруулсан энэ удаагийн илтгэлд цар тахлын хямралыг даван туулах, тэр дундаа удаа дараа хатуу хел хорио тогтоох зэрэг арга хэмжээ авч хэрэгжүүлснээс шалтгаалан дэлхийн улс орнуудын 3асгийн газрын рейтинг дунджаар 10 гаруй хувиар буурсан тухай дурджээ. Үүнд Хойд Америк, Зүүн Өмнөд Ази, Баруун Европын орнуудын 3асгийн газрын рейтинг 15 гаруй хувиар буурсан бол цар тахлын тархалтыг харьцангуй бага түвшинд барьж чадаж байгаа Японы шинэ 3асгийн газрын рейтинг 10 гаруй хувиар өссөн байна.
Одоогоор сэтгэгдэл алга байна
