12-р сарын 1-нээс эхлэн бүрэн вакцин хийлгэсэн, ур чадварын, оюутны болон түүний дагалдан гэр бүлийнхэн, орогнол хүссэн гэх мэт 28 төрлийн визтэй иргэдийг хүлээж авах болсноо Холбооны Засгийн газраас зарлалаа.
Дараах төрлийн виз эзэмшигч Австралид ирэх боломжтой:
Subclass 200 – Refugee visa
Subclass 201 – In-country Special Humanitarian visa
Subclass 202 – Global Special Humanitarian visa
Subclass 203 – Emergency Rescue visa
Subclass 204 – Woman at Risk visa
Subclass 300 – Prospective Marriage visa
Subclass 400 – Temporary Work (Short Stay Specialist) visa
Subclass 403 – Temporary Work (International Relations) visa (other streams, including Australian Agriculture Visa stream)
Subclass 407 – Training visa
Subclass 408 – Temporary Activity visa
Subclass 417 – Working Holiday visa
Subclass 449 – Humanitarian Stay (Temporary) visa
Subclass 457 – Temporary Work (Skilled) visa
Subclass 461 – New Zealand Citizen Family Relationship visa
Subclass 462 – Work and Holiday visa
Subclass 476 – Skilled – Recognised Graduate visa
Subclass 482 – Temporary Skill Shortage visa
Subclass 485 – Temporary Graduate visa
Subclass 489 – Skilled – Regional (Provisional) visa
Subclass 491 – Skilled Work Regional (Provisional) visa
Subclass 494 – Skilled Employer Sponsored Regional (Provisional) visa
Subclass 500 – Student visa
Subclass 580 – Student Guardian visa (closed to new applicants)
Subclass 590 – Student Guardian visa
Subclass 785 – Temporary Protection visa
Subclass 790 – Safe Haven Enterprise visa
Subclass 870 – Sponsored Parent (Temporary) visa
Subclass 988 – Maritime Crew visa
Эдгээр визтэй хүмүүс вакцины бүрэн тунгаа хийлгэсэн байх ёстой бөгөөд дараах вакциныг Австралийн эм, эмчилгээний хяналтын алба (TGA)-наас хүлээн зөвшөөрч байгаа юм.
Үүнд:
Сүүлийн 14 хоногоос өмнө дараах вакцины хоёр тунг хийлгэсэн бол:
AstraZeneca Vaxzevria
AstraZeneca Covishield
Pfizer/Biontech Comirnaty
Moderna Spikevax
Sinovac Coronavac
Bharat Biotech Covaxin
Sinopharm BBIBP-CorV (for 18-60 year olds)
Johnson & Johnson/ Janssen-Cilag COVID Vaccine-нэг тунг хийлгэсэн бол Австралид бүрэн вакцин хийлгэсэн хэмээн үзнэ. Мөн дээрх вакцинуудыг хольж хийлгэсэн байж болно.
Мөн гурван өдрийн өмнө хийлгэсэн халдваргүй нь баталгаажсан шинжилгээний хариуг шаардах юм байна.
Аль бүс нутаг, мужид ирж байгаагаас хамааран тухай Засгийн газраас гаргасан тусгаарлалтын дэглэмийг мөрдөх ёстой.
Австралийн Ерөнхий сайд Scott Morrison “Тэд Австралид эргэн ирэх нь манай улсын цар тахлын дараах сэргэлтийн чухал алхам байх болно” хэмээн сэтгүүлчдэд хэлсэн байна. Холбооны Засгийн газар 12,1-р саруудад дээрх зөвшөөрөгдсөн визтэй 200,000 цагаач иргэд ирэх байх хэмээн төсөөлж байна.
Мөн Австрали улс Өмнөд Солонгос болон Японы иргэдэд хилээ нээж байна. Ингэснээр эдгээр улсын бүрэн вакцин хийлгэсэн иргэд хүчин төгөлдөр визтэй бол ямар нэгэн аяллын хязгаарлалт, тусгаарлалтгүйгээр ирэх боломжтой болох юм.
Сүүлийн хоёр жилийн туршид гадны иргэд заавал албаны зөвшөөрөл авч, тусгаарлалтад тодорхой хугацааг өнгөрүүлэн Австралид ирдэг байсан юм. Ингээд 11-р сард хилээ нээж, зөвхөн Австралийн иргэд болон байнгын оршин суух эрхтэй хүмүүс, тэдний гэр бүлийнхэн л ирэх эрхтэй байсныг ийнхүү өргөжүүлж байна. Бизнесийн салбарууд, зарим муж, бүс нутгууд ч ажиллах хүчний дутагдалд орж, гадны ур чадвартай иргэдийг оруулж ирэхийг шаардсаар байсан юм. Австралийн их сургуулиудын холбооны гүйцэтгэх захирал Catriona Jackson-ны хэлж байгаагаар 130,000 орчим олон улсын оюутан Австралид ирж чадахгүй байгаа ажээ.
Олон улсын оюутнууд Австралийн эдийн засагт 40 тэрбум доллароор үнэлэгдэх хөрөнгө оруулагчид бөгөөд ажлын байранд ч гол үүргийг гүйцэтгэдэг хэмээн сангийн сайд Josh Frydenberg ярьжээ.
Ийнхүү гадны иргэдэд хилээ нээж байгаатай холбоотой шинэчлэгдсэн дүрмүүдийг эндээс уншаарай.
Эх сурвалж: SBS Mongolia
Одоогоор сэтгэгдэл алга байна
