"Бүжиг-The Dance"
/Хенри Матисс-Henry Matisse/
Зураачийн товч түүх:
20-р зууны агуу уран зураачдийн нэг болох Хэнри Эмили Бенойт Матисс нь 1869 оны 12 сарын 31-нд Францын Норд тосгонд айлын ууган хүү болон мэндэлжээ. 1887 онд тэрээр Парис хотруу хуулийн чиглэлээр сурч шүүгчийн ажил хийж байсан боловч 1889 түүний ээж нь түүнд зургийн хэрэгслүүд худалдан авч өгсөнөөр түүний сонирхол ихээр өөрчлөгдсөн байдаг. Ингээд 1891 онд Парисийн Жулианы Урлагийн Сургуульд суралцаж эхэлсэн ба энэ үедээ тэр энгийн уламжлалт арга барилаар зурж байжээ. Түүний зургийн эхэн үедээ Жан Баптист Чардин, Николас Поуссин, Эдуард Манет зэрэг зураачдийг шүтэж, тэдний зургийн хэв маягийг өөрийн зургандаа шингээж байлаа. Ялангуяа Жан Баптист Чардины зургуудийг олон дахин дууриалган зурсан гэдэг. 1896 болон 1897 онд тэрээр Австралийн зураач Жон Петер Расселтай Британийн Бэллэ Иле хэмээх арал дээр танилцаж нөхөрлөв. Тэрээр алдарт Винсент Ван Гогийн найз байсан байна. Энэ үеэс л Матиссийн зургийн хэв маяг өөрчлөгдөж эхэлжээ. Сүүлд тэрээр хэлэхдээ: “Рассел бол миний жинхэнэ багш, тэр надад өнгө будгийн онол мэдлэгийг заасан” гэдэг байв. Түүний арга барил нь “Fauvism” буюу хурц тод ялгарал бүхий өнгөөр зурах урсгал юм. Түүний бүтээлүүдээс нэр дурдвал “Dance”, “Woman with a hat”, “The joy of life”, “The dessert: Harmony in red”, “The Snail”, “The open window” зэрэг олон бүтээлийг нэрлэж болно. Агуу зураач маань 1941 онд гэдэсний хорт хавдар тусч хэд хэдэн хагалгаанд орж байсан ба 1954 онд 84 насандаа зүрхний шигдээс өвчнөөр нас баржээ.
“Бүжиг”
Алдарт зураг маань 2 хувилбартай байдаг ба эхний хувилбар нь “Dance-1” /зураг-2/ нэртэй ба 2.59/3.9 метрийн харьцаатай цайвар цэнхэр өнгөөр дүрслэгдсэн байдаг ба одоогоор Нью Иорк хотын модерн зургийн музейд хадгалагдаж байдаг. Хоёр дахь хувилбар болох “The Dance” /зураг-1/ нь 2.6/3.91 метрийн харьцаатай ба өмнөх хувилбараасаа илүү сэтгэл хөдлөлийг илүүд илэрхийлсэн бүтээл юм. 5 бүжигчин гар гараасаа барин бүжиглэж байгаа зохиомжтой. Тод ногоон өнгөөр газрыг, гүн хөх өнгөөр тэнгэрийг дүрсэлжээ. Эхний хувилбараа бодвол илүү нарийн деталчилж зурсан байдаг. Зураач бүтээлдээ дулаан өнгөний эсрэг хүчтэй дэвсгэр өнгө тависнаар нүцгэн бүжигчдийн эрх чөлөөт байдал, тэдний амьдралын эрч хүчийг харуулахыг хичээсэн байна. Мөн энэхүү бүтээл нь аймшигтай, зэвүүцэм, зарим талаараа ад чөтгөрийн гэмээр маягийг агуулсан гэж үзэх нь ч бий. Уг бүтээл одоо Санкт Петербургийн Эрмитажийн музейд хадгалагдаж байдаг бөгөөд 1917 оны октябрийн хувьсгал хүртэл оросын бизнесмэн урлагийн бүтээл цуглуулагч Сергей Шукиний гэрийн шатан доор өлгөөстэй байсан гэдэг. Энэхүү бүтээл нь одоогоор хэдэн арван сая доллараар үнэлэгдэх хосгүй бүтээлүүдийн тоонд багтдаг бөгөөд өнөөг хүртэл зургийг харсан хэн бүхэнд өвөрмөц содон сэтгэгдлийг үлдээдэг хэвээр. Та бүхэн ч гэсэн өөр өөрсдөдөө төрсөн сэтгэгдлийг хуваалцаарай.
/Эхийг wikipedia.org, google.com-c/
Одоогоор сэтгэгдэл алга байна
