Номхон далайн өмнөд эргийн Тувалу арлын улс Глазго хотод болсон НҮБ-ын цаг уурын дээд хэмжээний уулзалтын үр дүнг голонгуй байна. Цаг уурын дээд хэмжээний уулзалтаас гарсан шийдвэр дэлхийн дулаарлыг зогсоож чадахгүй гэж тэд үзэж байгаа юм. Тувалугийн Гадаад хэргийн сайд Саймон Кофе “Өнгөрсөн бямба гаригт байгуулсан дээд хэмжээний уулзалтын гэрээ нь нүүрснээс хэт хамааралтай Энэтхэгийн нүүрсний хэрэглээг үе шаттайгаар бууруулахын оронд аажимдаа бүрмөсөн хязгаарлахад чиглэх ёстой байсан” гэлээ. Өнгөрсөн долоо хоногт Кофе НҮБ-ын COP26 цаг уурын дээд хэмжээний уулзалтад илтгэл тавьсан юм. Энэ үеэр өмнө нь хуурай байгаад одоо усанд автсан газар өвдөгөө давсан усанд зогсож байгаад илтгэл тавьж буй түүний зураг нийгмийн сүлжээнд тавигдаж Тувалу далайн түвшин нэмэгдэж буйтай хэрхэн тэмцэж байгааг харуулсан юм.
Одоогоор сэтгэгдэл алга байна
