Египетийн Асуан хотод аадар бороо орж, үер буусны улмаас олон тооны хилэнцэт хорхой хоргодох газар хайн хүмүүсийн гэрт үүрлэжээ. Аймшигт хорхойд хатгуулсаны улмаас 3 хүн нас барж, 400 гаруй хүн хордлогын эсрэг эмчилгээ хийлгэхээр мужийн эмнэлэгт хүргэгдсэн гэж төрийн мэдлийн хэвлэлүүд мэдээлж байна.. Харин Эрүүл мэндийн сайдын үүрэг гүйцэтгэгч Халид Абдель-Гафар хилэнцэт хорхойд хатгуулснаас болж хүмүүс нас барсан гэх дээрх мэдээг үгүйсгэв. Эрүүл мэндийн яам Асуанд хилэнцэт хорхойн хорны эсрэг 3,350 хүн тун буюу хангалттай хэмжээний нөөц бий гэдгийг баталсан байна.
Аадар борооноос үүдсэн үерийн улмаас орон нутгийн эрх баригчид ням гарагт сургуулиудын үйл ажиллагааг түр зогсооход хүрсэн гэж амбан захирагч Ашраф Аттиа мэдэгджээ. Хилэнцэт хорхойд хатгуулсан хүмүүст хүндээр өвдөх, халуурах, хөлрөх, бөөлжих, суулгах, булчин чичрэх, толгой татах зэрэг шинж тэмдэг илэрчээ. Асуан уулсад байдаг Арабын тарган сүүлт хилэнцэт хорхой буюу Androctonus crassicauda гэдэг нь Грекээр "хүний алуурчин" гэсэн утгатай юм. Насанд хүрсэн хүн хилэнцэт хорхойд хатгуулснаас хойш нэг цагийн дотор үхэх эрсдэлтэй байдаг аж. Дэлхийн хамгийн аюултай хилэнцэт хорхойд тооцогддог энэ шавж нь 8-10 см (3-4 инч) урт бөгөөд харах, сонсох, үнэрлэх чадвар муутай тул олзоо олохын тулд чичиргээг мэдэрдэг байна.
Одоогоор сэтгэгдэл алга байна
