2021 оны 11-р сарын 13-ны өдөр Эквадорын Гуаякил хотод 58 хоригдол амиа алдсан ноцтой мөргөлдөөн гарсан байна. Энэ хэргийн улмаас Гуаяс 1 шоронгийн гадаа цэргийн цагдаа нар хүчлэн хамгаалалт хийж байгаа юм. Сар гаруйн өмнө 100 гаруй хүн амиа алдсан Гуаяс мужийн Литорал хорих ангид өнгөрсөн бямба гарагийн өглөө болсон мөргөлдөөний улмаас олон арван хоригдол амиа алдаж, шархадсан гэж Гуаясын амбан захирагч Пабло Аросемена мэдэгдлээ. Эквадорын цагдаа нар баасан гарагийн орой буун дуу гарч, шоронгийн хоригдлуудын хооронд мөргөлдөөн гарч болзошгүй гэсэн мэдээллийн дараа хамгаалалтын зэргээ нэмэгдүүлсэн гэж Аросемена мэдэгдэв. Хоригдлуудын мөргөлдөөний үеэр зэвсэг, тэсрэх бодис ашигласан төдийгүй зарим хоригдол амиа хорлох оролдлого хийж гудасаа шатаажээ. Дашрамд дурдахад 9-р сарын сүүлээр далайн эргийн Гуаякил хотын захад орших хорих ангид 118 хүн амиа алдаж, 79 хүн шархадсан хүчтэй мөргөлдөөн болж байсан юм. Мөргөлдөөний үеэр хүчнийхэн эмх журам тогтоож амжаагүй байхад алагдсан хүмүүсийн тавынх нь толгойг тасласан харгис хэрэг гарч байжээ. Энэ явдлын дараа Эквадорын шоронд хүчирхийлэл гаарсантай холбогдуулан онц байдал зарлаад байсан юм. Эквадорын шоронгийн алба SNAI-ийн тоо баримтаас үзвэл, энэ онд шоронд гарсан хүчирхийллийн улмаас 300 гаруй хоригдол амиа алдаад байна.
Одоогоор сэтгэгдэл алга байна
