Номхон далайн Тонга арал далайн түвшин нэмэгдсэний улмаас устаж үгүй болж байна
Глазго хотноо болсон дэлхийн цаг уурын дээд хэмжээний уулзалт нүүрснээс үүдэлтэй хүлэмжийн хийн ялгарлыг бууруулахад чиглэгдсэн билээ. Энэ хүрээнд дэлхийн дулаарлыг зогсоохын тулд буурай орнуудад туслахыг уриалж байна. Глазгогийн дээд хэмжээний уулзалтад сэтгэл дундуур үлдэгсэд улс орнуудын өгсөн амлалтууд тун хангалтгүй байна гэсэн дүгнэлт хийж байна. Тухайлбал Номхон далайн арлуудын төлөөлөл "Энэ нь биднийг живэхээс аврахгүй" хэмээн мэдэгджээ. Тонга улсын Нукуалофа хотын залуучуудын удирдагч Элизабет Ките цаг уурын гэрээ нь Номхон далайн арлууд дахь тэдний гэр орныг далайд живэхээс аврахад хангалтгүй гэж хэлсэн юм. Тэрээр дээд хэмжээний уулзалтыг том улс орнууд "жижиг улс орнуудад хэр их мөнгө төлж чадахаа тодорхой болгох" эхний алхам гэж нэрлэж байна. Мөн баян орнууд хүлэмжийн хийн ялгаруулалтын эцсийн хариуцлагыг хүлээн зөвшөөрөх ёстой гэсэн юм. Мөн өнгөрөгч долоо хоногт Тувалугийн Гадаад хэргийн сайд Саймон Кофе далайн төвшин нэмэгдэж байгааг онцолж, олон нийтийн анхаарлыг татахын тулд далайд хэвлэлийн бага хурал хийсэн юм.
Одоогоор сэтгэгдэл алга байна
