AstraZeneca компани Ковид-19 вакцинаа улс орнуудад ашиг харалгүй нийлүүлэхээсээ татгалзахаар болсон байна.
Дэлхийн эм үйлдвэрлэлийн энэ аварга том компани ирэх онд ашгийн төлөөх хэд хэдэн гэрээнд гарын үсэг зурсан бөгөөд вакцинаас тодорхой хэмжээний орлого олно гэдэгтээ найдаж байгаа юм.
Тус компанийн гүйцэтгэх захирал Паскаль Сориот цар тахал эндемик болж байна. Вирус эндемик болж байгаа нь бид үүнтэй хамт амьдарч сурах ёстой гэсэн үг юм гэлээ.
Тэрээр өмнө нь “Бид вакцинаа ямар ч ашиг харалгүйгээр нийлүүлэхээр шийдсэн, учир нь дэлхий нийтийн эрүүл мэндийг хамгаалах нь бидний нэн тэргүүний зорилт" хэмээн хэлж байсан юм.
Харин тэрээр саяхан хийсэн мэдэгдэлдээ вакцин нь дэлхий даяар нэг сая хүний амийг аварсан. Бид олон сая хүний амийг аварч чадсан компани гэдгээрээ бахархаж байна гээд ирээдүйд вакциныг боломжийн үнэтэй байлгахын тулд улс орнуудад шаталсан үнэ тогтооно гэжээ.
Оны эцэс гэхэд AstraZeneca хөгжиж буй орнуудад зориулсан Ковакс хөтөлбөрт 250 сая тун вакцин хандивлахаар төлөвлөж байна. Гэхдээ сүүлд гаргасан санхүүгийн төлөвлөгөөндөө AstraZeneca компани вакцины үйлдвэрлэлээ бага зэрэг ашигтай байлгахаар төлөвлөөд байна.
Дашрамд дурдахад өнгөрсөн 9-р сарын байдаар AstraZeneca болон түүний дэд лиценз эзэмшигчид нийт 1.5 тэрбум тун вакцин нийлүүлсэн байна.
Одоогоор сэтгэгдэл алга байна
