АНУ-ын Олимпийн гимнастикч Суниса Ли Лос-Анжелес хотод арьс өнгөөр ялгаварлан гадуурхагчдын халдлагад өртжээ. Хятадад анх Ковид-19 цар тахал бүртгэгдсэн цагаас хойш Ази гаралтай хүмүүсийн эсрэг халдлага эрс нэмэгдсэн юм.
18 настай Ли энэ зун Токиогийн олимпийг зорьсноороо түүхэнд бичигдэж, АНУ дахь Хонг үндэстнээс төрсөн анхны олимпийн тамирчин болсон юм.
Гимнастикчин Ли хэлэхдээ түүнийг Ази гаралтай найзуудтайгаа шөнө зугаалсны дараа Uber-ээ хүлээж байтал дотор нь байсан хүмүүс үдэс угсаагаар нь доромжилж чинжүү цацжээ. “Миний уур маш их хүрсэн ч тэд зугтсан тул би юу ч хийж чадаагүй" гэж Ли хэлсэн байна.
Энэ мэт доромжлолоос өгсүүлээд аллага хүртэл Азийн эсрэг үзэн ядалт улам нэмэгдэж байна.
Эцэг эх нь Лаосаас АНУ-д цагаачилсан Ли Миннесота мужийн Сент Полоос ирсэн юм. Мөн энэ оны дөрөвдүгээр сард Каратэгийн олимпийн аварга, Япон гаралтай Америкийн иргэн Сакура Кокумай Калифорни дахь цэцэрлэгт хүрээлэнд бэлтгэл хийж байхдаа арьс өнгөөр ялгаварлагчийн халдлагад өртсөн юм. Түүн рүү халдсан залууг бусдын амь насанд заналхийлсэн хэргээр баривчилж байжээ.
Одоогоор сэтгэгдэл алга байна
