Нийслэлийн ногоон байгууламж зуны улиралд гэмтэх нь бага байдаг. Харин арваннэгдүгээр сарын эхнээс хоёрдугаар сарын сүүлч хүртэлх хугацаанд нийслэлийн ногоон байгууламж, нийтийн эзэмшлийн зам, талбайг маш их гэмтээдэг байна. Явган зорчигчид л гэхэд зуны урин дулаан цагт зүлгэн дээр гишгэхгүй хэр нь өвөлдөө дуртай газраараа алхаж туучдаг. Мөн автомашины осол аваараас үүдэлтэй гэмтэл их гардаг байна. Өнгөрсөн жилд л гэхэд иргэд 150 сая төгрөгийн хохирлыг ногоон байгууламж, нийтийн эзэмшилд учруулжээ. 2021 он гарснаас өнөөдрийг хүртэлх хугацаанд 137 сая төгрөгийн хохирлыг барагдуулж хариуцлага тооцжээ.
Нийслэлийн хэмжээний ногоон байгууламж, нийтийн эзэмшлийн талбайн тохижилтод улс нийслэл тэрбумаар тоологдох хөрөнгө мөнгө зарцуулдаг. Гэтэл иргэд хайхрамжгүй, хэнэггүй байдлаасаа болж ногоон байгууламж, мод, бут, сөөгийг гэмтээчихээд нөхөн сэргээж, төлбөр, мөнгө өгдөггүй байдал нь эргээд нийслэлчүүдийн ая тухтай амьдралд сөргөөр нөлөөлж байгаа юм.
Дашрамд дурдахад нэг ширхэг навчит модыг 487.500 төгрөгөөр, шилмүүст модыг 587.500 төгрөгөөр үнэлж буруутай этгээдээр төлүүлдэг байна.
Одоогоор сэтгэгдэл алга байна
