Байгаль орчин аялал жуулчлалын яам, Монголын худалдаа аж үйлдвэрийн танхим, Монголын аялал жуулчлалын холбоотой хамтран “TOURISM FORUM MONGOLIA 2021”, “ITM 2021″ олон улсын Аялал, жуулчлалын үзэсгэлэнг зохион байгуулахаар ажиллаж байна. Цар тахлын дараах аялал жуулчлалын хөгжилд онцгой ач холбогдолтой гэж үзэж буй эдгээр арга хэмжээ нь цар тахлын улмаас уналтад орсон аялал жуулчлалын салбарыг сэргээхэд чухал нөлөөтэй гэж үзэж байгаа юм.
“Tourism Forum Mongolia 2021” арга хэмжээг “ШИНЭ ХЭВИЙН БАЙДАЛ-АЯЛАЛ ЖУУЛЧЛАЛЫГ СЭРГЭЭХ СТРАТЕГИ’’ уриан дор зохион байгуулж, аялал жуулчлалын салбарыг цар тахлын үед болон цар тахлын дараа хэрхэн сэргээх талаар нэгдсэн ойлголтод хүрэхийг злрьж байна. Мөн төр, хувийн хэвшлийн манлайлагчдыг нэг зорилго доор нэгтгэж, дэлхийн аялал жуулчлалын чиг хандлага, аялал жуулчлалыг сэргээж буй арга, туршлага, сүүлийн үеийн аргазүйг хуваалцаж, гарц шийдлийг тодорхойлох ажээ.
Харин “ITM 2021” олон улсын аялал жуулчлалын үзэсгэлэн нь Монголын хамгийн том аялал жуулчлалын үзэсгэлэн болохоороо онцлог юм. Тус үзэсгэлэнд 21 аймгийн төлөөлөл хүрэлцэн ирж орон нутгийнхаа аялал жуулчлал, үйлчилгээний байгууллагууд, шинэ бүтээгдэхүүн, эвент арга хэмжээгээ сурталчлан танилцуулах юм байна. Түүнээс гадна аялал жуулчлалын бизнес эрхлэгчид аяллын маршрут, шинэ бүтээгдэхүүнээ сурталчлах, борлуулах, түншлэлийн гэрээ хэлэлцээр хийх, гадаад, дотоодын аялал жуулчлалын салбарын мэргэжлийн судлаачдын хэлэлцүүлэг, сургалтад хамрагдах ажлыг зохион байгуулах гэнэ.
Энэ жилийн “АйТиЭм-2021” үзэсгэлэн “TOURISM FOR INCLUSIVE GROWTH – ХҮРТЭЭМЖТЭЙ ӨСӨЛТИЙГ ХАНГАХ АЯЛАЛ ЖУУЛЧЛАЛ” уриан дор зохион байгуулагдана.
Одоогоор сэтгэгдэл алга байна
