ЮНЕСКО-гийн мэдээллээр дэлхийн 182 улсын 134 нь сургуулиа бүрэн, 48 нь хэсэгчлэн нээжээ. Харин 13 улс коронавируст халдварын улмаас сургуулиа хаасан гэсэн мэдээтэй байна.
Боловсрол, шинжлэх ухааны сайд Л.Энх-Амгалангийн өгсөн мэдээллээр Монгол Улс өнгөрсөн 2 хичээлийн жилийн хугацаанд цэцэрлэг, сургуулийн хичээл, сургалтын үйл ажиллагааг 135 хоног танхимаар, 185 хоног зайн буюу цахим хэлбэрээр зохион байгуулжээ.
Дотоодод цар тахлын өндөр эрсдэлтэй байгаа энэ цаг үед Засгийн газраас бүх шатны сургалтын байгууллагын хичээл, сургалтын үйл ажиллагааг 2021 оны 9 дүгээр сарын 1-ний өдрөөс үе шаттай эхлүүлэхээр шийдвэрлэж, өнөөдөр 35 дахь өдрөө халдвар хамгааллын дэглэм баримтлан ажиллаж байгаа юм.
Энэ хичээлийн жилд багш нарын 95 хувь, 12-17 насны сурагчдын 90-ээс дээш хувь, оюутны 80 хувь нь Ковид-19-ийн эсрэг вакцинд хамрагдаж, цэцэрлэгийн насны хүүхдийн 75 хувь, 6-11 насны хүүхдийн 98 хувь нь томуугийн эсрэг вакцинд хамрагдаад байгаа аж.
Одоогоор сэтгэгдэл алга байна