Энэ жил “Хүнсний ногоо” үндэсний хөтөлбөрийн хүрээнд “Өрхийн тариалан” хөдөлгөөн өрнүүлсэн байна. Энэ дагуу улсын төсвийн 1.9 тэрбум төгрөгийн хөрөнгөөр 10 нэр төрлийн 176.2 тонн ил талбайн болон хүлэмжийн ногооны үрийг дотоодоос болон импортоор нийлүүлжээ. Үрийн үнийг 80 хувиар хөнгөлөн 181 аж ахуйн нэгж, 179 хоршоо, 9694 өрх, 46 байгууллага нийтдээ 10.1 мянган нэгжид хүргэж дэмжлэг үзүүлснээр сонгино, саримс, хэмх, лоолийн тариалалт 5-320 га-гаар нэмэгдсэн байна.
Мөн Оросын Холбооны Улсаас үр тариа хураах өндөр хүчин чадлын 50 гаруй комбайныг арилжааны банкны санхүү, түрээсийн үйлчилгээгээр нийлүүлсэн гэж ХХААХЗ-ийн сайд мэдэгдсэн юм.
Түүнчлэн Беларусь Улсын Засгийн газрын 4.5 сая еврогийн хөнгөлөлттэй зээлийн эх үүсвэрээр ногоон тэжээл бэлтгэх зориулалттай 60 иж бүрдэл, төмсний 30 иж бүрдэл, хүнсний ногооны 20 иж бүрдэл, нийт 534 нэгж техник тоног төхөөрөмжийг ургац хураалтаас өмнө нийлүүлж хүсэлт гаргасан иргэн, аж ахуйн нэгжид 30 хувийн урьдчилгаатай 4 жилийн хугацаатай зээлээр олгожээ.
Одоогоор сэтгэгдэл алга байна
