Европын сэргээн босголт, хөгжлийн банкны санхүүжилтээр хийгдэж буй уг төслийн хүрээнд X хорооллоос - Сүлжмэлийн үйлдвэр хүртэл 2.8 км шугам угсралтын ажлыг бүрэн хийж дуусжээ. Одоо үлдсэн 300 метрийн шугамын дулаалга болон нөхөн сэргээлтийн ажлыг 10 хоногийн хугацаанд багтан дуусгах юм.
“Ковид-19” цар тахлын нөлөөгөөр төслийн барилга угсралтын ажилд ашиглагдах ган хоолой болон бусад үндсэн тоноглолуудын нийлүүлэлт хил дээр саатсан нь ажилд багагүй хүндрэл учруулжээ.
Өнөөдрийн байдлаар шугамын дагуух I, X хорооллын бүх хэрэглэгчдийг хэрэглээний халуун ус болон дулаанаар хангаад байна.
Дашрамд духдахад ган хоолойн ашиглалтын хугацаа 25-30 жил байдаг байна. Шугам сүлжээний тасралтгүй, найдвартай ажиллагаа ийнхүү хангагдаж байгаа учраас шинээр хэрэглэгч холбох боломжтой болжээ.
Одоогоор сэтгэгдэл алга байна
