Нийслэлийн хэмжээнд 2021 оны хоёрдугаар ээлжийн буюу намрын цэрэг татлага 2021 оны аравдугаар сарын 21-24-ний өдрүүдэд явагдана. Дүүргүүдэд цэрэг татлагын бэлтгэлийг хангах ажил 90 хувьтай байна. Харин 2020 оны хоёрдугаар ээлжээр цэрэгт татагдаж, албаа хаасан дайчид өнөөдрөөс эхлэн халагдаж байгаа юм.
Коронавирусийн халдварын улмаас 2021 оны нэгдүгээр ээлж буюу хаврын цэрэг татлага явагдаагүй. Энэ удаад есөн дүүргийн цэрэг татлагын товчооны байранд цэргийн зарлан дуудах авсан иргэд биечлэн очих ёстой. Ингэхдээ нарийн зохион байгуулалттайгаар, халдвар хамгааллын дэглэмийг барьж, Улсын онцгой комиссоос гаргасан шийдвэр, зөвлөмжийн хүрээнд бүртгэх юм.
Оюутнуудын тухайд өмнө нь Монгол Улсын иргэний цэргийн үүргийн болон цэргийн албан хаагчдын эрх зүйн байдлын тухай хуулиар их дээд сургууль, коллеж, МСҮТ-д суралцаж буй оюутнуудыг суралцаж байх хугацаанд нь цэргийн албанаас түр чөлөөлдөг байсан. Одоо бол энэ заалт хүчингүй гэдгийг Нийслэийн цэргийн штабаас мэдэгдлээ. Өөрөөр хэлбэл оюутнууд зарлан дуудах бичгийн дагуу цэрэг татлагын байранд очиж, эрүүл мэндийн үзлэгээр орох юм.
Одоогоор сэтгэгдэл алга байна
