Уул уурхай, хүнд үйлдвэрийн сайд Г.Ёндон шатахууны нөөц сэргэж эхэлж байгаа тухай мэдээллээ. Өнөөдөр л гэхэд 1,034 тонн шатахуун ОХУ-аас орж иржээ. Мөн хилээр хараахан орж ирээгүй 12 вагон шатахуун замд явж байгаа юм. Түүнчлэн БНХАУ-ын Эрээн боомтоор өнөөдөр 50 вагон шатахуун нэвтрүүлжээ. Цаашид нөөцийн хэмжээг тогтвортой барих ч олон улсын зах зээл дээрх газрын тосны бүтээгдэхүүний үнэ өссөн нь шатахууны үнэд нөлөөлж болзошгүйг хэллээ. Энэ асуудлаар Уул уурхай, хүнд үйлдвэрийн яамнаас удахгүй шатахуун импортлогчидтой уулзалт хийхээр төлөвлөж буй ажээ.
Тэрээр " Төр шатахууны үнийн асуудалд оролцоод байх ёсгүй. Өнгөрсөн хавар эдийн засаг хүнд үед иргэдийн амьжиргаанд бага дарамт учруулах үүднээс өргөн хэрэглээний АИ-92 шатахууны үнийн асуудалд төр оролцсон. Нийгмийн хариуцлагын хүрээнд авч хэрэгжүүлсэн энэ арга хэмжээний хүрээнд импортлогчид 70 гаруй тэрбум төгрөгийн алдагдал хүлээсэн" гэсэн юм.
Одоогоор сэтгэгдэл алга байна
