"Эрдэнэс-Тавантолгой" ХК 2018 оноос хойш нийгмийн хариуцлагын хүрээнд "Тавантолгой түлш" ХХК-ийг санхүүжүүлж ирсэн бөгөөд өнөөдрийг хүртэл хувь эзэмшил нь тодорхойгүй байсан юм. Тэгвэл Засгийн газрын хуралдаанаар "Тавантолгой түлш" ХХК-ийн 51 хувийг "Эрдэнэс-Тавантолгой" ХК, 39 хувийг нь Эрчим хүчний яам, 10 хувийг нь Төрийн өмчийн бодлого зохицуулалтын газар хариуцах шийдвэр гаргажээ. "Эрдэнэс-Тавантолгой" ХК-ийн зүгээс 14 хоногийн хугацаанд "Тавантолгой түлш" ХХК-ийн бизнес төлөвлөгөөг боловсруулж танилцуулах үүрэг хүлээлээ.
Сайжруулсан түлшний бодит өртөг нэг тонн нь 215 мянган төгрөг ч цар тахалтай холбоотойгоор иргэдэд очих үнийг 75 мянга болгож бууруулаад байгаа юм. Ирэх дөрөвдүгээр сарын хүртэл 50 хувийн хөнгөлөлттэй үнээрээ худалдаална. Харин 2022 оны өвлөөс эхлээд бизнесийн зарчим руугаа шилжинэ гэдгийг "Эрдэнэс-Тавантолгой" ХК-ийн захирал Б.Ганхуяг хэллээ.
Одоогоор сэтгэгдэл алга байна
