Монголоор дайран өнгөрөх хийн хоолойн төслийн ТЭЗҮ боловсруулах ажил 60 хувьтай явж байна. Ингэхдээ манай газар нутгаар дайран өнгөрөх хийн хоолойн трассыг 966.8 км урттай байхаар тооцоолжээ.
Цаашид барилга угсралтын ажлын бэлтгэл хангах үүднээс инженерийн судалгааны ажил руу ороход бэлэн болсон тул Монгол Улсын Засгийн газраас бодлогын зарим туслалцаа дэмжлэг хэрэгтэй байгааг Тусгай зориулалтын компанийн гүйцэтгэх захирал Е.Н.Асеев Шадар сайдтай уулзах үеэр хэлж байлаа.
Тухайлбал, барилга угсралтын тусгай зөвшөөрөл олгох, ажиллах хүчний квот тогтоох, Тусгай зориулалтын компанийн ажиллах хүчний зөвшөөрлийг сунгах, гадаад ажиллах хүчний хураамжийг чөлөөлөх, хөнгөлөх гэх мэт асуудлыг холбогдох хууль тогтоомжийн дагуу шуурхай шийдвэрлэх шаардлагатай байгаа юм.
Төлөвлөгөө ёсоор бол жилд 50 тэрбум м/куб хийг Монголын нутгаар дамжуулах бөгөөд хий дамжуулсны төлбөр гэж ойролцоогоор нэг тэрбум орчим ам.доллар төсөвт төвлөрүүлэх тооцоолол гарчээ.
Одоогоор сэтгэгдэл алга байна
